Arrestohet në Rinas Jamarbër Malltezi dhëndri i Sali Berishës për aferën e privatizimit të ish klubit Partizani. Mësohet se është caktuar “detyrim paraqitje” edhe për Sali Berishën. Urdhri i arrestit është firmosur nga prokurori i SPAK, Arben Kraja. Pranga dhe Fatmir Bektashit, ortak me Malltezin dhe ndertues i kullave ne ish-kompleksin Partizani. Akuzohen për pastrim parash dhe korrupsion.

Në emisionin “Java në Dritare” nga Lorena Fjolla, në Dritare TV, gazetari investigativ Adriatik Doçi foli për privatizimin e ish-klubit sportiv Partizani, tashmë të kthyer në një kompleks gjigand pallatesh.

“Faktet tregojnë së të gjithë ata që nuk kanë firmosur janë kërcënuar. Janë shantazhuar, janë ndëshkuar. Sepse kanë menduar se po shkelin ligjin. Tregojnë dyshime që këta mund të jenë shpronësuar më përpara. Ka fakte pastaj që janë marrë prona edhe të personave të tjerë privatë që kanë qenë pjesë e pronës shtetërore ish-klubi Partizani, siç është prona e Esat Pirrës. Pra janë disa pika të errëta që ngrenë dyshimet që këtu s’kemi të bëjmë me një kthim normal të një prone tek pronari, por me një operacion të dyshuar korruptiv.