Kryeministri Edi Rama ka firmosur ndryshimin e parë në qeveri pas pushimeve të verës. Në faqen zyrtare, njoftohet se Enio Civici është liruar nga detyra e zv/ministrit të Bujqësisë.
“Me propozimin e Kryeministrit, Këshilli i Ministrave, VENDOSI: Enio Civici, zëvendësministër i Bujqësisë dhe Zhvillimit Rural, lirohet nga kjo detyrë. Ky vendim hyn në fuqi menjëherë dhe botohet në “Fletoren zyrtare””, thuhet në vendimin e qeverisë.
Kujtojmë që kryeministri Edi Rama do të mbledhë në 1 shtator ministrat, kryebashkiakët dhe drejtuesit e institucioneve në mbledhje e radhës për të analizuar punën 6 mujore por dhe për të vendosur prioritetet në muajt e ardhshëm.
