Duke filluar nga 1 Janari i vitit 2025, të gjithë pensionistët do të udhëtojnë FALAS në autobuset e kryeqytetit.
Lajmi i mirë është konfirmuar nga kryebashkiaku socialist, Erion Veliaj i cili tha se të moshuarit do të udhëtojnë pa shpenzime.
“Inspektuam shërbimin e transportit dhe flotën e re në Linjën nr.2, për të dhënë lajmin e mirë për transformimin e stacioneve të autobusit me tabela elektronike por edhe se pensionistët e Tiranës do të udhëtojnë FALAS nga 1 janari 2025.”- shkruan Erion Veliaj.
Sipas premtimit të mazhorancës pritet që në mandatin e katërt qeverisës PS-ja do të rrisë pensionet, pasi realisht janë në gjëndje jo të mirë ekonomike qindra mijëra pensionistë.
