Pas presionit në rritje të faktorit ndërkombëtar, Serbia duket se ka bërë një hap pas për çtensionimin e situatës me Kosovën.
Mediat në Kosovë raportojnë se të shtunën është parë lëvizja e një autokolone ushtarake nga qyteti i Vranjës në kufi me Kosovën në drejtim të qytetit të Nishit, në brendësi të Serbisë.
Nuk dihet ende nëse kemi të bëjmë me një tërheqje të forcave ushtarake nga kufiri me Kosovën, por kjo lëvizje vjen vetëm pak orë pasi shtetet e Bashkuara të Amerikës dhe bashkimi Europian i bënë thirrje Beogradit që të largojë ushtrinë nga zonat kufitare.
Një ditë pas sulmit në Banjskë, Serbia shtroi praninë e saj ushtarake në jugun e saj çka shqetësoi edhe faktorin ndërkombëtar.
