Në foto është shqiptarja e ndjerë, Ana, e cila humbi jetën në sytë e vajzës së saj, në një dyqan mishi në Messolonghi të Greqisë. 50-vjeçarja humbi jetën tragjikisht mbrëmjen e djeshme pasi u vra nga makineria e prerjes së mishit teksa po e pastronte atë.
Ngjarja tronditëse u pa nga vajza e saj, pasi bashkë me të ëmën kishin shkuar në dyqanin e mishit për të pastruar. E bija e Anës pas ngjarjes u dërgua në spital në gjendje shoku, teksa policia ka arrestuar pronarin e dyqanit ku ndodhi ngjarja.
Gruaja prej dy vitesh jetonte në Messolonghi me nënën dhe dy fëmijët, vajzën 18-vjeçare dhe djalin 10-vjeçar, që kur u largua nga Shqipëria, pas ndarjes nga burri.
