Ish-kryeministri Fatos Nano ndodhet në spital për shkak të problemeve shëndetësore.
Mësohet se gjendja shëndetësore e ish-kryeministrit aktualisht është e mirë dhe se i është bërë ndërhyrje lehtësuese për frymëmarrjen. Pas ndërhyrjes për lehtësimin e frymëmarrjes është përmirësuar edhe gjendja shëndetësore e ish-kryeministrit Fatos Nano.
“Sakaq bëhet me dije se rehabilitimi është i ngadalshëm dhe i vështirë pasi kërkon ndërgjegjësim dhe bashkëpunim nga pacienti”, njoftohet më tej.
Teksa Fatos Nano po përballet me gjendjen e vështirë shëndetësore, kreu i qeverisë Edi Rama e ka nderuar me “medaljen për mirënjohjen publike”, duke i vlerësuar kontributin si ish-kryeministër i vendit.
