Historiani nga Budapesti, prof. dr. Antal Molnár, të mërkurën ka mbajtur ligjëratë në Universitetin “Ukshin Hoti” në Prizren, mbi një temë tepër delikate. Ai ka gjetur një burim, ku dëshmohet që një kosovar (Peshkopi Mazerekku) së pari nga pikëpamja shqiptare, ka hartuar më 1620, nocionin politik të Kosovës.

Në ligjëratën e tij me temën, “Misionet katolike dhe origjina e ndërtimit të kombit shqiptar në fillim të shekullit të 17-të”, Molnár, theksoi se huIumtimet rreth origjinës së kombeve dhe të nacionalizmit kanë pësuar një ndryshim të konsiderueshëm të paradigmës në dhjetë vitet e fundit.

Historiani nga Budapesti, prof. dr. Antal Molnár, ka mbajtur ligjëratë në Universitetin “Ukshin Hoti” në Prizren, mbi një temë tepër delikate. Ai ka gjetur një burim, ku dëshmohet që një kosovar (Peshkopi Mazerekku) së pari nga pikëpamja shqiptare, ka hartuar më 1620, nocionin politik të Kosovës.

Në ligjëratën e tij me temën, “Misionet katolike dhe origjina e ndërtimit të kombit shqiptar në fillim të shekullit të 17-të”, Molnár, theksoi se hulumtimet rreth origjinës së kombeve dhe të nacionalizmit kanë pësuar një ndryshim të konsiderueshëm të paradigmës në dhjetë vitet e fundit.

Vazhdimi i Ligjëratës së prof. dr. Antal Molnár:

Unë propozoj t’i lidh këto teori bashkëkohore të nacionalizmit me historinë e hershme moderne të vendeve të Ballkanit që jetonin nën sundimin osman. Në rastin e katolikëve të Ballkanit, ishte Selia e Shenjtë dhe 0rgani i saj për misionet, Kongregacioni i Propagandimit të Besimit, i cili me konceptimin dhe strategjinë e saj të misionit të fokusuar në komb, promovoi formimin e ideve rreth identiteteve kombëtare.

Nga shqiptarët ishin priftërinjtë katolikë, kryesisht misionarët dhe priftërinjtë e arsimuar në Romë dhe në Kolegjin Ilir të Loretos, i cili krijoi identitetet e para kombëtare moderne.

Pjesa më e rëndësishme e kësaj tradite kombëtare katolike ishte kulti i Skënderbeut, i cili mbijetoi në mjedisin humanist, si dhe në mesin e malësorëve katolikë shqiptarë.

Figura qendrore në formimin e identitetit kombëtar katolik shqiptar ishte Pietro Massarecchi (Pjetër Mazreku) nga Prizreni, vizitori apostolik në 1623 dhe arqipeshkëv i Antivariut nga viti 1624 deri më 1634.