Si filloi historia e pazakontë
Historia e tij nis kur ishte vetëm katër vjeç. Familja e tij u përfshi në një aksident të rëndë automobilistik, në të cilin humbën jetën prindërit e tij. Duke qenë se gjyshërit ishin të varfër dhe të paaftë për ta rritur, Frank u dërgua në një manastir të dominikanëve, ku nisi të rritej nën kujdesin e murgeshave.
Ai kujton se në fëmijëri organet e tij gjenitale ishin aq të vogla, saqë edhe vetë e kishte të vështirë t’i identifikonte. Ky fakt, bashkë me rrethanat e jetesës në manastir, bëri që ai të rritej si vajzë, të vishte rroba femrash, të ndiqte rregullat dhe rutinën e murgeshave dhe të përfshihej plotësisht në jetën komunitare.
Vetëm në moshën shtatëvjeçare ai kuptoi se ishte mashkull, por vendosi të mos e tregojë, nga frika se mund ta dëbonin. Me kalimin e viteve, ndonëse ishte i vetëdijshëm për identitetin e tij të vërtetë, vazhdoi ta fshehë, madje duke u përpjekur të imitojë çdo aspekt të jetës së murgeshave.
