Brenda këtij muaji pritet që në Kuvend të hidhet në votim një nga paketat më të rëndësishme ekonomike të viteve të fundit, ajo e rimëkëmbjes ekonomike, me një vlerë rreth 200 milionë euro.
Sipas burimeve të Gazeta Minuti, pakoja financiare ndodhet në fazën përfundimtare të shqyrtimit dhe mund të hyjë në rendin e ditës shumë shpejt.
Qëllimi kryesor i paketës është të mbështesë ekonominë, duke përfshirë bizneset e vogla dhe të mesme, si dhe sektorët më të ndjeshëm që janë prekur nga krizat e fundit dhe rritja e kostos së jetesës.
Detajet e plota të masave ende nuk janë bërë të njohura, por pritet që qeveria t’i prezantojë zyrtarisht deputetëve para votimit.
Pakoja pritet të sjellë një lehtësim të konsiderueshëm për ata që janë më të prekur ekonomikisht dhe të ofrojë stimuj për rimëkëmbjen e sektorëve të rëndësishëm, duke synuar stabilitet dhe zhvillim afatgjatë.
