Kengetari i zhanrit Hip-Hop nga Gjilani, Feronit Shabani i njohur si “Fero” është arrestuar gjatë ditës së djeshme nën dyshimet se ka kryer veprën penale të dhunës në familje.
KALLXO.com mëson se i njëjti ishte arrestuar pasi dyshohet se fillimisht kishte një mosmarrëveshje e që më pas kishte sulmuar fizikisht viktimën, gruan me të cilën edhe bashkëjeton.
Në raportin ditor përmendet fakti edhe se përveç sulmit fizik, Fero dyshohet se edhe kërcënoi bashkëjetuesen e tij.
Në lidhje me rastin është njoftuar edhe Prokuroria Themelore në Gjilan. Me urdhër të prokurorit i dyshuari është dërguar në mbajtje.
