Kryeministri Edi Rama ndodhet në Bruksel me ftesë nga Presidenti i Këshillit Europian, Charles Michel, më të cilin ka biseduar për uljen e tensioneve në Veri të Kosovës.
Rama është takuar edhe me Drejtorin e Përgjithshëm Për Negociatat e Zgjerimit në Komisionin Evropian, Gert Jan Koopman. Zyrtari i larte i BE-së i konfirmoi kryeministrit Edi Rama mbështetjen maksimale të Komisionit Europian për Integrimin e Shqipërisë në Bashkimin Europian.
“I urova mirëseardhjen kryeministrit Edi Rama dhe konfirmuam mbështetjen e Komisionit Evropian për rrugën e Shqipërisë në BE. Ne diskutuam për Planin e Rritjes për Ballkanin Perëndimor dhe si të rrisim konvergjencën ekonomike dhe të avancojmë benefitet e antëtarësimit në rajon”, shkroi zyrtari i KE.
