Nëpër çdo bisedë që bëhet lidhur me Urdhrin e Psikologut, lakohet një emër enigmatik që është i pranishëm në çdo lloj aktiviteteti të Urdhrit të Psikologut, duke u shfaqur gjithnjë pas kuçedrës së pazareve dhe zhvatjeve, Valbona Treska.
Ai quhet Bledar Fejzo.
Po kush është ky personazh dhe cila është lidhja e tij enigmatike me ish-Presidenten e Urdhrit të Psikologut?
Emei i tij do të shfaqej në një dosje të bujshme lëvizjesh dhe pastrimi parash, ndërsa rezulton edhe argat i Muharrem Kushes, vjehrri i Vojo Bregut, një rrënjë e vjetër e drejtësisë, me lokale dhe ferma të ngritura me para të dyshimta.
Ndërkaq, shumë pranë selisë së Urdhrit të Psikologut ndodhet qendra multidisiplinore e shërbimeve psikologjike dhe ligjore “Family”, që është një qendër që ofron shërbime në fushën e psikologjisë dhe atë ligjore, me administrator Valbona Treska, me formën ligjore SHPK, e themeluar në Tiranë më datë 26.03.2018. Zotërues ortakë të shoqërisë janë Valbona Treska dhe Bledar Fejzo.
Më datë 15.12.2018, Bledar Fejzo i dhuron 49% të kapitalit në favor të Valbona Treska dhe Fejzo largohet si ortak, ndërsa Treska bëhet ortake e vetme e shoqërisë. Përse ky akt dhurimi dhe bujarie dhe zemërgjerësie?
Bledar Fejzo është avokat i licencuar dhe shumë shpesh përfaqëson Urdhrin e Psikologut në proceset gjyqësore që Urdhri i Psikologut ka ndaj psikologëve të cilëve për arsye të ndyshme, kryesisht hakmarrje, i ka hequr licencën.
Në strukturën Urdhri i Psikologut ka një jurist i cili ka autorizimin për ta përfaqësuar këtë ent në gjykatë.
Shpesh herë juristi i Urdhrit të Psikologut dhe avokat Fejzo janë që të dy përfaqësues të Urdhrit të Psikologut në këto procese gjyqësore.
Ndërsa juristi paguhet nga paratë e psikologëve për punën që bën, avokat Fejzo për çfarë arsye dhe çfarë interesi ka që pajtohet si përfaqësues i Urdhrit të Psikologut në këto procese gjyqësore.
A paguhet avokati për këtë shërbim?
Po të shohësh buxhetin e Urdhrit të Psikologut ka një zë që parashikon shpenzime ligjore, noteriale, etj. Ish-presidenti i Urdhrit të Psikologut duhet të japë një shpjegim për këtë, nëse ai paguhet për shërbimin avokator, sa paguhet ai, përse është e nevojshme të pajtohet një avokat për këto punë, përse zgjidhet vetëm ky avokat për të përfaqësuar Urdhrin e Psikologut në këto çështje gjyqësore.
A e ofron falas këtë shërbim avokat Fejzo dhe nëse e ofron falas, cfarë motivi e shtyn t’a bëjë këtë?
Individët të cilët i lidh puna me Urdhrin e Psikologut, tregojnë që administrata e Urdhrit të Psikologut apo dhe vetë anëtarët e Këshillit Kombëtar të Urdhrit të Psikologut rrinë lepe-peqe para këtij personazhi.
Askush nuk guxon të pipëtijë apo të kundërshtojë kur flet ky personazh.
Ai mund të hyjë e të dalë sipas qejfit në ambientet e Urdhrit të Psikologut, të sillet si i do qejfi, të marrë vendime, të japë urdhra, t’u imponojë anëtarëve të Këshillit vendimmarjen, etj.
Por pyetja që lind është e thjeshtë: ky individ me profesion avokat, që sigurisht nuk është psikolog, për çfarë arsyeje ka kaq shumë akses në zyrat e Urdhrit të Psikologut, aq sa mund të sillet dhe si pronar atje? Dikush duhet të japë shpjegime për këtë. Ndoshta ish-Presidenti. Vijon…