Në një aheng familjar në Viti, të hënën mbrëma u thirr ambulanca.
Dasmorët për një moment ndërprenë vallen e festën.
Një burri të moshës rreth 55-vjeç, iu përkeqësua gjendja shëndetësore derisa po merrte pjesë në dasmën e mbesës së tij, në familjen e dhëndrit.
Përkundër ndihmës mjekësore i njëjti ndërroi jetë më pas.
Rastin për Plus Tv e kanë konfirmuar nga Spitali i Gjilanit, të cilët thonë se pacientin e kishin pranuar pa shenja jete dhe kishin tentuar për ta rianimuar, por pa sukses.
Burime të Plus TV bëjnë me dije se ngjarja ka ndodhur në fshatin Tërpezë teksa thuhet se vdekja ishte e natyrshme./PlusTV/
