Eleanor është një nga shumë të huajt që kanë zgjedhur Shqipërinë për të nisur një jetë të re, më të sigurt dhe të qëndrueshme. Ajo përfaqëson një trend në rritje të punonjësve të huaj që shohin vendin si një mundësi për zhvillim personal dhe profesional.

39-vjeçarja nga Filipinet ka rreth dy muaj që jeton në Shqipëri, ku punon si shitëse. Ajo tregon se, edhe pse larg familjes, ndihet e lumtur dhe e motivuar për të ndërtuar një kapitull të ri të jetës së saj.

Sipas saj, Shqipëria ofron mundësi të mira punësimi dhe procedurat për të ardhur dhe për t’u vendosur kanë qenë të thjeshta. Kjo e ka ndihmuar të përshtatet më shpejt me realitetin e ri.

Vendi po bëhet gjithnjë e më tërheqës për të huajt; vetëm gjatë vitit të kaluar rreth 50 mijë persona kanë qenë të pajisur me leje pune. Përveç punës, ambienti mikpritës dhe njerëzit e ngrohtë e bëjnë integrimin më të lehtë për të sapoardhurit.