Kryeministri Edi Rama ka reaguar sot, për një status të publikuar nga gazetarja Klodiana Lala në profilin e saj në rrjetin e social Facebook, më 7 janar 2026.

Postimi i gazetares ishte reagim për deklaratën e kryeministrit Rama se një nga “fajtorët” për përmbytjet që pushtuan vendin prej ditësh, ishte edhe bllokimi i kanaleve kulluese nga ndotjet plastike që hidhen nga qytetarët.

Lala shkruan se mbetjet në fakt duhet të ishin djegur në inceneratorin e Tiranës.

“O mbret (qe je lakuriq) po te funksiononte inceneratori i Tiranes kete malin me plehra do e kishte djegur… (Milionat jane vjedhur e ti ben propagande me ne)”, shkruan Lala.

3c44490f 17a3 46bc B328 2c64b72c18ee

Ndërkohë, në reagimin e postuar sot, kreu i qeverisë ka ofenduar gazetaren ndërsa shton se sipas tij është e lehtë të urresh apo shpifësh.

“Komentatori-torja është gazetar-tare të cili-cilës ia hoqa emrin se nuk më intereson asfare polemika personale, po fakti skandaloz që një zëdhënës-nëse e opinionit publik, me një injorancë të ububushme (nuk flas për etikën apo për shqipshkrimin se pastaj i bie të rritet shumë kërkesa) u thotë qytetarëve se inceneratori i Tiranës e ka fajin për shishet e qeset plastike që hidhen rrugëve të Shqipërisë, e që me erën e pastaj me ujrat e lumenjve bëhen kapica të jashtëzakonshme e zbresin e bllokojnë rregullisht grykërrjedhjet e kanaleve kullues apo ndotin plazhet e detet…

Normalisht një gazetar nuk urren, nuk shpif, nuk dizinformon, po lexon, informohet dhe informon, por fatkeqësisht lloji i parë shtohet e shtohet (tamam si prurjet e plastikës) në kanalet e informimit, ndërsa lloji i dytë pakësohet dhe publiku përmbytet përditë nga prurjet e urrejtjes, shpifjes e dizinformimit!

Kollaj, të urresh, shpifësh, dizinformosh është kollaj, sepse nuk ka nevojë të lexosh, të mësosh, të kuptosh të vërtetën e të jesh i drejtë dhe i mirëartikuluar, ndërsa e kundërta, uh, e kundërta ka punë e mund të madh”, shkruan Rama.

2

Postimi i kryeministrit ka nxitur një reagim tjetër nga gazetarja Lala, e cila në një postim në Facebook ka shkruar:

“I paska dale gjumi mbretit lakuriq…o mbret qe sta tha njeri qe je lakuriq prej 14 vitesh.
Te sfidoj te me dergosh nje foto te inceneratorit te Tiranes qe na ka gllaberuar mln euro.
Pastaj me etiketo si te duash. Lekura sholle na eshte bere nga balta juaj!
Nese ke kurajo perballem ne debat kur te duash!
PS. Mos harro ne Durres ke 1500 shtepi dhe mijera hektare toke nen uje. Presin demshperblim”.

3