Eksperti i ekonomisë, Klodian Muco ka komentuar zhvillimet më të fundit për sa i përket çështjeve të pensionit.

Eksperti ka folur për “skemën” e mundshme e cila mund të çojë pensionin në vlerën e 300 euro në Shqiperi.

Pensioni 300 Euro në Shqipëri? “Është shumë e vështirë për t’u realizuar dhe sigurisht nuk mund të realizohet në mënyrë të menjëhershme pasi duhet bërë një skeme e veçantë e cila duhet të arrihet brenda një 5 vjeçari. Duke marr si shembull metodologjinë që përdor EUROSTAT brenda 5 viteve duhet të ketë një ndërhyrje të vazhdueshme në pensione, ndërhyrje e cila duhet të arrijë në shifrën e 300 euro. Pra, a është i drejtë ky propozim? Sigurisht që “po”, por a është i realizueshëm për buxhetin e shteti? Kjo është shumë e vështirë. A mund të realizohet? Po patjetër por kjo do të bëhej vetëm nëse do të kufizoheshin shpenzimet në fusha tjera si ajo e infrastrukturës”, tha Eksperti.