Joen Kreka është renditur i pari në listën e 400 fituesve në degën e Mjekësisë.
Pasioni për mjekësinë por dhe përpjekja duke studiuar fort gjatë gjithë viteve të maturës nuk e kanë zhgënjyer aspak Joenin, ndonëse shprehet se nuk e priste këtë rezultat ku ndër 1800 kandidatë që u regjistruan në mjekësi të dilte i pari.
“Nuk e prisja në fakt sepse kisha pikë të konsiderueshme por kishte shumë nxënës me më shumë pikë se unë. Por mesa duket provimi i informatizuar pati peshë të madhe në renditjen tonë, dhe kur mora vesh që isha i pari në renditje para se të lumturohesha, u habita. Nuk ka asnjë të keqe të kontribuosh në vendin tënd. Unë njoh doktorë qe kanë zgjedhur të kontribuojnë në Shqipëri dhe ndihen shumë të vlerësuar. Dhe unë dua të bëhem një ditë si ata”, tha Joeni.
