Përfundon 1/3 e punimeve të lotit të parë të aksit Elbasan-Qafë Thanë. Veprat e artit kanë përfundur në masën 90 %, ndërsa 2.5 km e parë janë gati për shtresën asfaltike.
Gëzim Noni, përgjegjës sektori për menaxhimin e kontratave: “Jemi në lotin e parë të zgjerimit Elbasan-Qafë Thanë, 38 % të totalit të punimeve të realizuara. Po punohet me ritme të shpejta për plotësimin e trasesë për të filluar paketën e shtresave asfaltike”
Aksi Elbasan-Qafë Thanë, pjesë e rëndësishme e “Korridorit 8”, do të kthehet në një rrugë interurbane me 4 korsi dhe tashmë i gjithë korridori Tetë është përfshirë në rrjetin europian.
Rruga do t’iu vijë në ndihmë Elbasanit dhe Korçës për zhvillimin e turizmit duke shkurtuar ndjeshëm distancën kohore të udhëtimit. Sipas ARRSH, Korridori Tetë pritet të marrë formë përfundimtare brenda 4 vitesh.
