Ish-presidenti dhe biznesmeni nga Kosova, Behgjet Pacolli, ka dhënë një intervistë për Blendi Fevziun në Tv Klan, ku ka folur edhe për situatën e Aeroportit të Vlorës.
Gjatë intervistës, Pacolli ka bërë akuza të forta ndaj ish-administratorit të tij, Valon Llukës, duke e akuzuar për keqpërdorim të fondeve në kompanitë e tij.
Ai ka deklaruar se për rreth 19 vite, Lluka dyshohet se ka përvetësuar rreth 5 milionë euro, duke i transferuar gradualisht nga llogaritë e kompanive në Kosovë drejt një llogarie personale në Dubai.
Pacolli shtoi gjithashtu pretendime për abuzime të tjera financiare, përfshirë edhe një skemë të dyshuar në një kompani të kërpudhave në Mitrovicë, duke theksuar se këto veprime janë bërë në mënyrë të vazhdueshme ndër vite.
