Në mbledhjen e grupit parlamentar të Partisë Socialiste është vendosur ngritja e një Komisioni Etike për të kontrolluar rastet e mundshme të nepotizmit brenda partisë.
Komisioni do të kryesohet nga Lindita Nikolla dhe do të ketë anëtarë Kiduina Zakën, Erjon Malaj, Marjana Koçekun dhe Ermal Elezin.
Kryeministri Edi Rama në mbledhjen ku shpallu kabinetin qeveritar, i paralajmëroi të tijët për nepotizmin, pasi sipas tij, në ministritë e vendit kishte shumë raste të punësimeve pa meritë.
”Njeriu duhet të vlerësohet sipas meritës. Deputetë që bëjnë çoka për të sistemuar njëri apo tjetrin, nuk duan t’ia dijnë që ato qoka janë thika pas shpine të prindërve, apo gjyshërve që zgjedhin të votojnë PS. Të përpiqesh të zbutësh efektet e nepotizmit, është si t’i hysh një rrjete më të shpifur se ajo e merimangës. Komisioni i etikës do bëjë këtë, do caktojë kornizën dhe kufijtë. Kjo punë është sakrificë, nuk është privilegj”, tha Rama.
