Në prag të Ramazanit, reperi Getinjo publikoi foto duke falur namaz në xhami
Reperi i njohur i estradës shqiptare, Getinjo si duket ka filluar me praktikimin e ritualeve të fesë islame, sipas një imazhi të publikuar në “InstaStory”.

Ai publikoi një fotografi në llogarinë e tij në Instagram, përmes së cilës tregonte se po falte namazin në një xhami, derisa po kryente ritualin e faljes në sexhade.

Kjo fotografi e reperit vjen pak përpara fillimit të Ramazanit, nga ku besimtarët e fesë islame duhet të agjërojnë për një muaj; dhe siç njihet fetarisht edhe një prej pesë shtyllave të fesë.

Imazhi që publikoi së fundmi Getinjo nuk është shumë për t’u habitur derisa ai edhe më herët kishte dhënë indikacione se mund të niste praktikimin e ritualeve fetare.

Ai nuk është i vetmi në estradën shqiptare që e praktikon namazin, pasi edhe shumë emra të tjerë të famshëm njihen si besimtarë të devotshëm, së paku siç është potencuar nga ata. /Telegrafi/