Meterologia Lajda Porja ka zbuluar se duke nisur nga e enjtja, e premtja dhe deri në fundjavë i gjithë territori i Shqipërisë do të “pushtohet” nga valë e nxehtë afrikane.
Për shkak të temperaturave shumë të larta të enjten dhe të premten sugjerohet që të moshuarit, gratë shtatzënë, fëmijët mos dalin në orët e pikut të vapës.
“Që nga dita e martë dhe të paktën në fundjavë, do të kemi mot të nxehtë, për shkak se do të jemi nën ndíkimin e masave ajrore që vijnë nga Afrika. Temperatura më të larta parashikohen ditën e enjte dhe të premte, ku maksimalja do të ngjitet 37 Gradë Celcius, kryesisht në qarkun e Elbasanit, Gjirokastër, Berat. Ndërkohë, zonat malore do të jenë nga 28 deri në 30 Gradë Celcius, kurse vija bregdetare në Sarandë dhe Ksamil nga 32 në 33 Gradë Celcius“, tha meterologia.
