Hykmete Bajrami, deputete e Lidhjes Demokratike të Kosovës, gjatë seancës së sotme parlamentare deklaroi se ligji i ri parashikon ulje të pensioneve për pensionistët në masën 3.5%.
Ajo ngriti shqetësime për ndikimin që kjo masë do të ketë tek qytetarët në pension, duke e cilësuar si një lajm negativ, sidomos në një kohë kur, sipas saj, më herët janë dhënë shtesa financiare gjatë periudhave zgjedhore.
Bajrami gjithashtu i drejtoi pyetje qeverisë lidhur me listën e barnave që do të ofrohen falas për pensionistët, duke theksuar se mungon qartësia për këtë çështje dhe se institucionet nuk kanë dhënë përgjigje konkrete.
Sipas saj, një pjesë e madhe e pensionistëve shpenzojnë pothuajse të gjithë pensionin për barna, ndaj çdo ulje e të ardhurave i vështirëson edhe më shumë kushtet e tyre ekonomike.
