Pa përjashtim të gjithë deputetët e Partisë Demokratike janë angazhuar për të kundërshtuar njëzëri hetimet e SPAK për Sali Berishën referuar privatizimit të “Partizanit”.

Së fundmi, Edi Paloka e cilësoi aksionin e SPAK një show të radhës, ndërsa ironizoi kryeministrin Rama për të cilin pa fakte tha se i ka vjedhur pronën.

Paloka u shpreh mes ironisë se Berisha i bie që të ketë korruptuar presidentin (asokohe Alfred Moisiu).

“Është akt i ndërmarrë me urdhër të Ramës. Kemi të bëjmë me një akt politik dhe SPAK është përdorur për këtë çështje. As Jamarbër Malltezi dhe Berisha nuk janë të pandehur, por persona nën hetim. A korruptoi Berisha presidentin Socialist?! (Alfred Moisiun). Malltezi nuk ka qenë në pushtet. Ai akuzohet për korrupsion pasiv, pra kur e pranon korrupsionin dhe jo aktiv, pra kur jep para. Malltezi nëse ka marrë pronën, ka marrë pronën e vetë sipas ligjit. Mua Edi Rama ma mori pronën time, s’ma ka dhënë. E kam çuar në Strasburg. Unë se mora dot, ky e mori, kjo nuk është shkelje. Ku është abuzimi këtu?!”, tha Paloka.