Nga viti 2030 do të mund t’i themi lamtumirë protezave dhe implanteve. Për të pasur dhëmbë të përsosur do të mjaftojë vetëm një injeksion për të vënë dhëmbët.

Ky është premtimi i kompanisë japoneze Toregem Biopharma. Start-up i Universitetit të Kiotos, i themeluar 4 vjet më parë, po krijon një ilaç antitrupash i përshkruar si “i pari në botë për rilindjen e dhëmbëve” dhe do të fillojë testimin e tij te njerëzit nga shtatori, pas rezultateve pozitive të marra te kafshët.

Qëllimi i studiuesve është që në vitin 2030 të jetë një shërbim për të gjithë pacientët që duan të aplikojnë këtë risi. Sa kushton ky trajtim i ri?

Toregem planifikon të ofrojë këtë trajtim të ri për 9 mijë euro.

Faza e parë e provës klinike do të zgjasë nga shtatori 2024 deri në gusht 2025. Terapia funksionon duke çaktivizuar një proteinë të quajtur Usag-1, e cila pengon rritjen e dhëmbëve dhe në fazën 1 të provave njerëzore do të administrohet në mënyrë intravenoze tek 30 të rritur të shëndetshëm të moshës midis 30 dhe 64 vjeç. Kushti për të marrë pjesë në këtë trajtim në baza eksperimentale është mungesa e të paktën një dhëmbi të pasmë.

Pasi të jetë konfirmuar siguria e këtij ilaçi, do të kalojmë në fazën tjetër me administrimin e fëmijëve të moshës 2 deri në 7 vjeç, të cilëve u mungojnë të paktën 4 dhëmbë që nga lindja. Shpresa e studiuesve është që në të ardhmen të jenë në gjendje të “rrisin dhëmbët jo vetëm tek njerëzit me patologji të lindura, por edhe tek ata që i kanë humbur për shkak të lëndimeve”.

Presidentja e Toregem Biopharma, start-upit japonez që po zhvillon antitrupat, është Honoka Kiso dhe ajo që e lidh atë me këtë risi në mjekësi është një përvojë personale që ajo ndan në faqen e internetit të kompanisë:

“Kur isha në shkollë të mesme – thotë ajo – Kam humbur 2 dhëmbë për shkak të një problem në nofull dhe iu nënshtrova një operacioni që më frymëzoi të bëhesha dentist. Kur shkova në universitet iu nënshtrova një implanti dentar.

Por doja të studioja shkakun e sëmundjes sime dhe të kuptoja se si të rigjeneroja dhëmbët e humbur, kështu që ndoqa shkollën pasuniversitare në 2008 dhe mora pjesë në kërkimin e Dr. Takahashi i cili nisi eksperimentin te minjtë për të vëzhguar efektivitetin e trajtimit.

“Unë dua t’u ofroj këtë terapi pacientëve,” thotë Kiso e cila ka shpresa të mëdha se do të testohet te njerëzit./L.F-dritare.net