21-vjeçarja Aldorjana Loshi, efektivja e policisë e komisariatit nr.5 në Kamëz vrau veten sot me armën e shërbimit. Mësohet se ajo jetonte e vetme në shtëpi me qira në lagjen e Ali Demit, pranë ish-Tregut Elektrik.
Ngjarja e rëndë ka ndodhur rreth orës 18:30 në banesën e saj. 21-vjeçarja kishte rreth një vit e gjysmë që punonte si efektive e patrullës në Kamëz.
“Më datë 24.05.2024, rreth orës 18:30, në rrugën “Ali Demi”, është vetëvrarë me armë zjarri në banesë shtetasja A. L., 21 vjeçe, punonjëse Policie pranë Komisariatit të Policisë Nr. 5. Grupi hetimor po punon për sqarimin e rrethanave të ngjarjes”, njofton policia e Tiranës./K.C/dritare.net
