I dërguari special i Shteteve të Bashkuara të Amerikës për Ballkanin Perëndimor, Gabriel Escobar ka deklaruar se korrupsioni është një problem i madh në këtë rajon.
Escobar ka theksuar se SHBA kërkon që të shohë rrugën europiane të hapur për të gjitha vendet e Ballkanit Perëndimor. Ndër të tjera, Escobar thotë se administrata e Biden është e përkushtuar në luftën kundër korrupsionit, ndërsa paralajmëron sanksione të tjera nga Shtetet e Bashkuara.
“Korrupsioni është një problem i madh në të gjithë rajonin. Jam i lumtur të shoh se gjatë procesit të anëtarësimit fokusi është në sundimin e ligjit si kusht për anëtarësim në BE. Administrata e Presidentit Biden është e përkushtuar në luftën kundër korrupsionit. Nuk mund të flas për sanksionet, por të jeni të sigurt se do të ketë “non grata” të tjera”, tha Escobar.
