Kryegjyshi Bektashi Botëror, Baba Mondi, thotë se kur bëhesh bektashi, do të thotë të lindësh për herë të dytë teksa shton se falen të gjitha gabimet që ke bërë pa dashje.

I ftuar në emisionin “Opinion” në Tv Klan, Baba Mondi, ka treguar dhe një histori mjaft personale që ka të bëjë me ardhjen në jetë të tij.

Blendi Fevziu: E kam vënë re se bektashinjtë kryejnë disa ritme që janë mistike të mbyllura dhe nuk i sheh askush nga ato dhomat. Si janë këto ritet?

Baba Mondi: Ne i falemi njeriut, nuk kemi kujt t’i falemi tjetër.

Blendi Fevziu: Pse nuk lejohet të filmohet?

Baba Mondi: Nuk e kanë të gjithë kapacitetin. Ne fusim ata njerëz që janë të devotshëm për rrugën tonë. Është rrugë e vështirë sepse duhet shkëputur nga bota materiale. Kur bëhesh bektashi, quhesh i lindur për herë të dytë sepse të falen të gjitha gabimet që ke bërë pa dashje. Nuk të falen gabimet që bën me dashje.

Blendi Fevziu: Po jeta jote, historia jote personale si është?

Baba Mondi: Unë jam si të gjithë njerëzit e tjerë. Kam lindur në një familje bektashiane në Brataj të Vlorës. Ne jemi me mbiemër Ahmataj. Kryegjyshi botëror i asaj kohe, pasi prindërit e mi nuk bënin fëmijë, iu ka kënduar nënës dhe babait tim për të dhënë një djalë. Pas meje, kanë ardhur dhe 3 fëmijë të tjerë. Doktori nuk i dha shpresë, linda unë. Kjo ishte urata e tij që linda unë./tvklan.al