Pas valës së të nxehtit, Zvicra tashmë është përballur me reshje të dendura shiu që kanë shkaktuar përmbytje dhe rrëshqitje balte, ndërsa ka edhe borë në male.

Sot e hënë ka rënë borë në resortin e njohur dimëror Zermatt, në lartësinë 1638 metra. Shërbimi i motit MétéoSuisse tha:

Temperatura pati një rënie mbresëlënëse, brenda katër ditëve. Të enjten, termometri ishte 31.2 °C ndërsa sot në orën 11.15 ishte 0.5 °C.

Shumë qafa malore në Alpe, si Gotthard dhe Zimblon, kanë mbetur të mbyllura sot, për shkak të reshjeve të shiut që nisën mbrëmjen e së premtes dhe shkaktuan rrëshqitje balte. Shërbimet e trenave u anuluan në disa zona për shkak të rrëshqitjeve të dheut.

Lumi Rhine ka vërshuar në luginën që rrjedh në Zvicër, por deri më tani nuk ka asnjë rrezik për zonat e banuara.

Reshje të dendura shiu ndodhin edhe në zonat italishtfolëse të Zvicrës, veçanërisht në kantonin Ticino. Reshjet e shiut do të vazhdojnë edhe nesër, njofton shërbimi meteorologjik. Në male do të bjerë sërish borë, por kjo nuk mjafton për të shpëtuar akullnajat zvicerane.