Sipas burimeve të DP, një nga masat kryesore që po shqyrtohen është ndarja e 100 eurove për fëmijët, si ndihmë direkte për familjet, veçanërisht për ato me të ardhura më të ulëta.
Një tjetër vendim i rëndësishëm që po diskutohet është ndarja e një pensioni shtesë prej 150 eurosh për pensionistët, me qëllim mbështetjen e kategorive më të ndjeshme të shoqërisë, të cilat janë përballur më së shumti me rritjen e çmimeve të produkteve bazë dhe shpenzimeve të përditshme.
Burimet e Gazeta Minuti bëjnë të ditur se përfitimet nuk do të kufizohen vetëm tek këto kategori.
Në kuadër të kësaj pakoje, pritet të përfshihen edhe punonjësit e sektorit privat, përmes formave të ndryshme të mbështetjes financiare, si dhe kategori të tjera sociale që kanë nevojë për ndihmë shtesë.
