Teksa gara në Big Brother VIP Albania 5 po hyn në fazën më të nxehtë, ish-fituesi Anaid Kaloti ka bërë një analizë të drejtpërdrejtë për katër banorët që ai i konsideron finalistë dhe mënyrën se si secili prej tyre “fiton” në një aspekt të lojës. Në një InstaStory të fundit, ai ka ndarë mendimin e tij për secilin.

Sipas tij, Rogerti ka qenë një nga lojtarët më aktivë në shtëpi, duke krijuar situata, debate dhe lëvizje që kanë mbajtur lojën gjallë. Ndërkohë, ai vlerëson Mirin si një lojtar strategjik, që ka ditur të ndërtojë skema dhe të ndikojë në rrjedhën e lojës përmes intrigave.

Anaidi thekson gjithashtu se Mateo është më i pëlqyeri jashtë shtëpisë, duke lënë të kuptohet se mbështetja e publikut mund ta çojë drejt fitores. Ndërsa Selina, sipas tij, është lojtare që ka pasur ndikim të fortë brenda shtëpisë dhe në marrëdhëniet mes banorëve.

Deklarata e Anaidit ka hapur diskutime të shumta në rrjet, pasi ai nuk jep një fitues të qartë, por ndan “meritat” sipas kategorive të lojës. Kjo ngre pyetjen nëse duhet të fitojë më i forti në lojë apo më i dashuri i publikut. Në fund, gjithçka mbetet në dorën e votave dhe surprizat nuk përjashtohen.