Sali Berisha ka refuzuar të paraqitet në seancën plenare në GJKKO për çështjen e privatizimit të ish-kompleksit Partizani, por është përfaqësuar nga avokati i tij Genc Gjokutaj. Avokati mbrojtës i Berishës ka qenë prokuror në gjyqin ndaj Fatos Nanos në vitin 1993. Ish-kryeministri Fatos Nano u arrestua në 1993 nën akuzën e shpërdorimit të detyrës dhe kreu 4 vite burg.

Sot Gjokutaj nuk është pjesë e togave të zeza, por ndryshe nga viti 1993 po bën mbrojtjen e Sali Berishës me të cilin siç është shprehur në një intervistë në vitin 2017 ka komunikuar me shkresa pasi ai i kishte kërkuar një relacion shpjegues për çështjen e Nanos.

Genc Gjokutaj ka bërë më herët edhe avokatin mbrojtës të Ilir Metës për çështjen e dosjes ‘I.M’. Në dosjen e publikuar nga Auteriteti i Dosjeve ku u bë publik identiteti i një spiuni të ish-sigurimit të shtetit, u përfol se ishte ish-presidenti Ilir Meta./F.M/dritare.net