Emisioni “Opinion” në “Tv Klan” ka hyrë në burgun e Peqinit për të realizuar një reportazh. Një ndër ambientet ku u lejua të xhironte ishte edhe kuzhina e burgut.

Menuja ditore në burgun e Peqinit konsiston në tre vakte ku mëngjesi përfshin çaj, reçel dhe qumësht, dreka makarona ose pilaf shoqëruar nga një gjellë dhe darka që përfshin gjithnjë fasule dhe djathë. Gazetarit Blendi Fevziu i bën përshtypje ky detaj dhe provon fasulet që u shërbehen të burgosurve.

Blendi Fevziu: I bëni të mira fasulet?
(Kuzhinierja i jep Fevziut një lugë dhe një pjatë plastike. Ajo i hedh pak fasule dhe pret ‘gjykimin’ e gazetarit).
Fevziu: Kjo është darka që shërbehet në burg. Të mira i paske bërë, i paske hedhur ca më shumë kripë më duket.
Kuzhinierja: Po ca e duan me më shumë kripë, ca nuk e duan me shumë. Nuk e di, varet sa e shijon ti. Ti je kundër kripës me sa kam dëgjuar.
Fevziu: Nuk e kam shumë qejf, me sheqerin jam mirë. Të lumshin duart!