Edi Paloka: Me Ramën nuk ka rrugë tjetër veç përplasjes dhe forcës

Pak orë para mbledhjes së kryesisë së Partisë Demokratike, deputeti demokrat Edi Paloka, ka deklaruar dhe dy ditë para mbledhjes së këshillit kombëtar demokrat, se me Edi Ramën nuk ka rrugë tjetër veç përplasjes dhe forcës.

Teksa ishte i ftuar në A2CNN, në krye të agjendës opozitare është krijimi i kushteve që shqiptarët të votojnë të lirë, por nën një qeveri teknike dhe jo me Edi Ramën.

“Për ne si Parti Demokratike dhe opozitë, nuk mund të ketë objektiv tjetër të shpejtë gjatë këtyre ditëve, madje brenda vjeshtës duhet të finalizojmë objektivat për t’u dhënë shqiptarëve të votojnë lirisht dhe kjo si hap të parë ka zhvillimin e zgjedhjeve nën një qeveri teknike jo nën Edi Ramën.

Rama ka konfirmuar se nuk ka ndërmend t’u lejojë shqiptarëve të votojnë lirisht, jo vetëm atë që bëri për Kodin Zgjedhor. Sot mblidhet Këshilli Kombëtar për rrugën që do ndjekim, për të arritur këto qëllime. Për mua nuk ka rrugë tjetër veç përplasjes dhe forcës. Jemi në diktaturë, Kërkojmë gjënë më legjitime për shqiptarët për të votuar të lirë dhe përderisa kjo nuk lejohet nga diktatori na lejohet të përdorim çdo formë, me Ramën vetëm forca është mënyra për t’u marrë vesh”, shprehet Paloka.

Paloka shkon edhe më tej kur thotë se largimi i Ramës nuk ndodh pa destabilizim.

“Nuk mund të ketë forma demokratike në përballje me diktaturën. Ose duhet ta destabilizojmë dhe e kam thënë e stërthënë këto ditë. Këtu diktatura rrëzohet vetëm kur Rama të ikë nga frika me forcë dhe kjo nuk ndodh pa u destabilizuar vendi. Por ose duhet të pranojmë diktaturën e të ulim kokën ose do të reagojmë. Me një njeri si Rama që nuk njeh ligje kushtetutë, e përdor drejtësinë me keq se sigurimin e shtetit dikur Enver Hoxha”, tha Paloka.

Partia Demokratike, do të mbledhë pasditen e sotme kryesinë për caktimin e drejtuesve të qarqeve.

Gjithashtu, Paloka tha se kjo është kompetencë e kryetarit të Partisë, ndërsa vetë do të jetë në Tiranë.

“Mendohet që edhe kryetari ka bërë zgjedhjet e duhura. Unë vetë do të jem në Tiranë. Tirana do të ketë ndarje tjetër nga qarqet e tjera”.

Deputeti demokrat, komentoi edhe vendosjen e këmbëve në tryezën e parlamentit gjatë miratimit të Elisa Spiropalit në krye të Kuvendit.

Sipas tij, ai është një akt rebelues ndaj atij institucioni që ka humbur funksionin e vet.

“Ai insitutcion nuk është një godinë që janë ca tavolina e karrige institucioni, ka një funksion dhe ai parlament që nuk mund të quhet parlament, ka humbur të gjitha funksionet e tij. Ai akt është bërë qëllimisht për të treguar jo vetëm mosvlerësimin por ndaj atyre që drejtojnë vendin prej 12 vitesh, ndaj asaj tufe që e kanë çuar vendin në këtë pikë. Është akti më i vogël rebelues që duhet bërë ndaj atij parlamenti. Në 12 vite jemi përpjekur të bëjmë detyrën tonë si deputetë e opozitarë dhe asgjë nuk ka funksionuar. Ai parlament nuk e meriton emrin parlament, por ai ka qenë një nga aktet rebeluese dhe e kam thënë që atij parlamenti i duhet vënë flaka”.

Related Posts

28 PICTURES THAT NEED A SECOND LOOK

Some photos seem completely ordinary at first glance, but a closer look reveals something unexpected. These images play tricks on the eyes through unusual perspectives, perfect timing,…

Nighttime Drooling Reveals Hidden Clues About Your Sleep, Health, Habits, Breathing, and Overall Well-Being Every Single Night

Most people have woken up at least once to find a damp pillow and barely given it a second thought. Drooling during sleep is very common and…

What Are Those Black Dots on Puff Pastry (And When to Worry)

Tiny black spots on puff pastry can look alarming at first, but they are not always a sign that the pastry has gone bad. Understanding what causes…

THE “MAIN STAGE” ATTRACTION TEST: WHICH LEADING LADY’S VIBE MATCHES YOUR SOUL?

Have you ever looked at a photo and immediately felt drawn to one particular person or style? The traits that catch your eye can sometimes reflect the…

Why Some Wall Outlets Are Installed Upside Down: The Practical Reason Behind It

If you’ve ever noticed a wall outlet with the ground hole positioned at the top, you might assume it was installed the wrong way. In reality, that…

If Your Parent Shows These Signs, They May Be Entering the Final Stage of Life: Understanding What to Expect

Watching a parent approach the end of life is one of the most emotional experiences a family can face. Although every person’s journey is unique, recognizing common…

Leave a Reply

Your email address will not be published. Required fields are marked *