Amanda Pushani do të festonte ditëlindjen ditën e nesërme, 4 shtator, epara se të mbushte 37 vjeçe nga motra e saj, Marsela Pushani, 40 vjeçe.

Krimi brenda familjes u regjistruar paraditen e të shtunës në banesën e tyre në rrugën “Hajdar Hidri” në Tiranë. Pas vrasjes, familjarët tentuan të fshehin ngjarjen dhe raportuan atë si vdekje natyrale, por pas ekzaminimeve të kryera në trupin e saj u konstatuan plagë të shkaktuara nga thika.

Mësohet se Marsela Pushani e ka goditur motrën e saj me thikë në pjesën e barkut, poshtë stomakut, duke i shkaktuar vdekjen. Krimi ndodhi pas sherrit mes tyre ku Marsela i kërkonte Amandës të linte alkoolin. 40-vjeçarja ka deklaruar se vrasjen e ka kryer në kushtet e vetëmbrojtjes, pasi 37-vjeçarja e kishte kërcënuar se do e vriste atë dhe nënën.

Sipas dëshmisë së 40-vjeçares, e motra viktima kishte shkuar e dehur në shtëpi në momentin që ndodhi krimi dhe kishte disa shishe birre në dorë. 40-vjeçarja ka deklaruar se ato po debatonin pasi po i kërkonte llogari për gjendjen e saj duke qenë se kishin rënë dakord që s’do pinte më. Sipas 40-vjeçares, vikitima Amanda kishte marrë thikën në dorë dhe duke tentuar t’ia hiqte ajo e kishte qëlluar për vdekje.

Mësohet se autorja e krimit, Marsela Pushani, ushtronte profesionin e mësueses në një prej shkollave të kryeqytetit.