Të dielën e datës 29 mars, akrepat e orës do të kalojnë nga ora 03:00 në 04:00, duke shënuar kalimin nga ora dimërore në atë verore, ndryshim ky që do të mbetet në fuqi deri më 25 tetor 2026.

Qëllimi kryesor i këtij ndryshimi është kursimi i energjisë elektrike, pasi gjatë shtatë muajve të verës, falë shfrytëzimit më të mirë të dritës së diellit, kursehet një sasi e konsiderueshme energjie prej rreth 210 orësh.

Praktika e ndryshimit të orës u përhapt gjerësisht në Evropë gjatë viteve 1970 nën ndikimin e krizës së naftës, ndërsa që nga viti 1996 kontinenti ka një rregullore të përbashkët për këtë proces, megjithëse eksperimenti i parë daton që në vitin 1932.

Pavarësisht zbatimit të gjerë në vende si SHBA dhe Franca, ndryshimi i orës vazhdon të nxisë debate, pasi kritikët argumentojnë se ai ndikon negativisht në shëndet duke rritur rrezikun për sëmundje kardiovaskulare dhe duke shqetësuar ciklin natyror të trupit.