Është gjendur i pajetë trupi i Fabjol Ibraliut, 22-vjeçarit, që me makinën e tij tip Ford doli nga rruga në aksin rrugor Lushnjë-Rrogozhinë.
Sipas raportimeve trupi i të riut është gjendur brenda shkurreve dhe barishteve, shumë pranë mjetit të aksidentuar. I riu ka qenë duke ecur me shpejtësi tepër të lartë, rreth 160 km/orë, kur ka shkaktuar aksident.
Ai është përplasur fillimisht me disa makina të tjera dhe më pas ka përfunduar në shkurre, pranë rrugës kryesore. Pas aksidentit nëna e tij kishte shkuar në vendngjarje duke kërkuar trupin e pajetë të të birit, ndërsa përsëriste se ai kishte vdekur.
