Analisti Lorenc Vangjeli u shpreh se në “rrjetën” e SPAK do të bien njerëz të rëndësishëm të politikës dhe medias. Sipas Vangjelit, janë disa ministra e ish-ministra që mund të arrestohen me urdhër të SPAK.
“Do të shikojmë politikanë të rëndësishëm që kanë shkëlqyer me ‘make up-in’ e tyre nën dritën e prozhektorëve, që do të shndërrohen në banditë të rëndomtë. Ministra dhe ish-ministra, deputetë. S’keni parë asgjë akoma, thoshte dikur Edi Rama.
S’keni parë gjë akoma duket sikur thotë Dumani dhe njerëzit e tij. Do të ketë edhe njerëz të rëndësishëm të medias. Njerëz të legjislativit, drejtues të lartë të policisë, ish dhe aktualë, madje edhe njerëz të botës së medias do te bien ne pranga. Nuk e di sa mund të sigurohet drejtësi, por që do të ketë ndëshkim, do të ketë”, u shpreh analisti.
