Vdes papritur futbollisti i njohur i Korçës, Veteran Topçiu.
Ai u nda nga jeta në moshën 80-vjeçare. Topçiu merrte pjesë në një aktivitet në Korçë dhe duke diskutuar në mes të sallës, ka pësuar një arrest kardiak dhe është rrëzuar përtokë. Ai u dërgua menjëherë në spital, por nuk mbijetoi.
“Lamtumirë Veteran Topçiu! Veteran Topçiu një prej ikonave të KF Skënderbeu është ndarë nga jeta si pasojë e problemeve kardiake në moshën 80-vjeçare. KF Skënderbeu shpreh ngushëllimet më të sinqerta për familjarët dhe gjithe komunitetin e Futbollit Korçar. U prehsh në Paqe Veteran!” – Shkruan Skënderbeu.
Për 12 vite, nga viti 1960-1972, Topçiu do të luante me ekipin e Skënderbeut duke qenë nga mbrojtësit dhe mesfushorët më të mirë të kësaj skuadre.
