Këngëtarja Mariza Ikonomi është bërë nënë për herë të parë. Ajo ka sjellë në jetë një vajzë që e ka quajtur Melody.

“Dhe vjen nje dite qe Zoti te dhuron gjithe Boten dhe e vendos ate ne duart e tua! ❤️Melodia e jetes e sime! ❤️MELODY IKONOMI GREÇO!@blendigreco me dhe gjithe forcen dhe gezimin e kesaj Bote! Te dua ❤️”, shkruan Mariza duke publikuar edhe emrin e partnerit.

Një vit më parë mediat rozë kanë aluduar për një shtatzëni të mundshme të këngëtares pasi ajo u pa me barkun e rrumbullakosur në një festë private, por asnjëherë nuk është konfirmuar.

Asokohe Mariza pranoi publikisht se është në lidhje dashurie dhe se kënga “Të dua ty”, është një dedikim për njeriun që i ka marrë zemrën.

Gjatë asaj interviste, ajo tha se do të flasë më gjerë kur të jetë momenti për ta bërë edhe partnerin publik, teksa shtoi se të bëhet nënë është gjithashtu një nga planet e saj.

Këngëtarja dhe partneri i saj jetojnë në Shtetet e Bashkuara të Amerikës.