Anjeza Shahini ka dalë hapur në mbështetje të Mirit, pas akuzave dhe deklaratave të forta të babait të Selin gjatë qëndrimit të tij në Big Brother VIP Albania. Në një reagim të sinqertë, këngëtarja ka dhënë një mesazh të fuqishëm kundër linçimit publik dhe dhunës mediatike.

Ajo tregon se rreth 20 ditë para hyrjes së Mirit në shtëpi, kanë pasur një bisedë të hapur, ku ai kishte theksuar se nuk kërkonte as ndihmë e as mbështetje, por vetëm të gjykohej për atë që është. Sipas Anjezës, Miri ende beson se njerëzit nuk bashkohen për të sharë e për të shkatërruar njëri-tjetrin me komente të ulëta.

Shahini e përshkruan Mirin si një njeri që mbron të dobëtit, që pyet para se të përqafojë dhe që rrezikon veten për të tjerët, duke e quajtur të padrejtë dhe të dëmshme mënyrën si është sulmuar publikisht. “Ta etiketosh një njeri me zemër të artë si Mirin me epitete të tilla është kriminale,” shkruan ajo, duke kujtuar se Big Brother është thjesht një lojë televizive dhe nuk duhet të kthehet në një arenë ku harrohet humanizmi.