Një ngjarje mjaft e rëndë dhe tronditëse ka ndodhur mbrëmjen e djeshme tek “Orange Club” në Sarandë. Një 17-vjeçar, Antonio Delilaj, i cili punonte si kamarier në këtë klub ka gjetur vdekjen tragjike rreth orës 02:00 pas mesnate.
Viktimën e ka kapur ashensori duke i këputur kokën, vdekje kjo e ndodhur në rrethana ende të paqarta, të pazbardhura për qytetarët nga organet kompetente.
Ambulanca dhe policia janë paraqitur në vendin ku ka ndodhur tragjedia. Policia ende nuk ka dalë me një njoftim zyrtar.
Por, sipas burimeve është shpallur në kërkim pronari Spiro Iljadhi, i plagosur më parë.
