Një vizitë me tone të forta luksi dhe diplomacie ka mbërritur këtë fundjavë në jug të Shqipërisë. Zëvendëskryeministri i Emirateve të Bashkuara Arabe, Abdullah bin Zayed Al Nahyan, ka zgjedhur vendin tonë për ndalesën e tij të radhës, duke ardhur me jahtin e tij superluksoz “Opera”, një prej mjeteve lundruese më të shtrenjtë në botë.
Jahti është ankoruar në ujërat e Dhërmiut, nga ku një skaf privat e ka transportuar Al Nahyan drejt portit të resortit prestigjioz “Kep Merli” në Sarandë. Udhëtimi është shoqëruar nga mjete të Policisë së Shtetit dhe eskortë detare, në një nivel sigurie të lartë, raporton VoxNews.al.
