Një grup grash myslimane të veshura me rroba banje – burkini, u penguan të hynin në një plazh në verilindje të Italisë. Gratë u penguan nga një grup tjetër grash në pjesën dedikuar vetëm për gratë në plazhin Lido Pedicin, i vetmi plazh i veçuar në Evropë, në qytetin e Triestes, sipas Agjencisë shtetërore të lajmeve ANSA.
Gratë muslimane u penguan nga grupi për shkak të “çështjeve të higjienës”, thuhet më tej në raport.
Më vonë, grupi i grave myslimane kërkuan sqarime nga menaxhmenti i plazhit por atyre iu tha se nuk ka rregullore për këtë çështje. Incidenti erdhi një muaj pasi Anna Maria Cisint, kryetarja e qytetit verior Monfalcone, i shkroi një letër të hapur komunitetit mysliman, duke thënë se të qenit i veshur plotësisht në plazhe është “e papranueshme”./Daily Sabah
