TIRANË- Tirana International Airport njofton të gjithë pasagjerët, të cilët udhëtojnë përmes Rinasit të paraqiten tri orë para nisjes për në destinacion, për të bërë check-in. Ky rregull do të aplikohet deri më 10 shtator.
Sipas TIA-s, kjo masë synon të “përmirësojë përvojën e përgjithshme të udhëtimit për të gjithë pasagjerët”. TIA ndër të tjera thotë se, është e përkushtuar për të garantuar sigurinë dhe komoditetin për të gjithë pasagjerët.
Njoftimi i TIA:
Tirana International Airport dëshiron t’ju informojë për një përditësim në lidhje me procesin e checkin dhe sigurisë në Tirana International Airport (TIA) nga sot deri më 10 shtator.
Për të siguruar udhëtim të qetë dhe për të akomoduar pasagjerët e shtuar gjatë kësaj periudhe, do t’iu kërkonim të gjithë pasagjerëve të mbërrijnë në aeroport të paktën 3 (tre) orë përpara kohës së planifikuar të nisjes.
Ju lutemi, merrni parasysh kohën e mundshme shtesë që kërkohet për kontrollin e bagazheve, kontrollet e sigurisë dhe çdo rrethanë të paparashikuar që mund të zhvillohet.
Kjo masë synon të përmirësojë përvojën e përgjithshme të udhëtimit për të gjithë pasagjerët. Si gjithmonë, siguria dhe komoditeti juaj mbeten prioritetet tona kryesore. Duke mbërritur herët, ju na lejoni të kryejmë procedurat e nevojshme me shpejtësi dhe efikasitet. Faleminderit për bashkëpunimin dhe presim t’ju shërbejmë gjatë udhëtimit tuaj nga Aeroporti Ndërkombëtar i Tiranës.
