Zebervoki, ish-banori i formatit, ka hyrë live në Instagram për të komentuar ngjarjen.
Ai është shprehur i revoltuar, jo ndaj incidentit në vetvete, por ndaj disa komenteve që lexonte në rrjete sociale, siç ishte: “Le të vijë Jozi në Kosovë”.
“Nëse vjen Jozi në Kosovë, vij edhe unë me të”, tha Zebervoki, duke sqaruar se nuk po e mbronte atë, por kundërshtonte reagimet që nxisin dhunë me dhunë.
Ai theksoi se nuk i pëlqen aspak shprehja “si mund një shqiptar i Shqipërisë të godasë një shqiptar të Kosovës”, duke shtuar se, sipas tij, duhej thënë thjesht: “një shqiptar godet një shqiptar tjetër”.
Në live-in e tij, Zebervoki përmendi gjithashtu edhe videon që qarkulloi në rrjet, ku disa të rinj shfaqeshin para Top Channel duke thënë: “Hajde përballu me burra”, menjëherë pas incidentit.
Sipas tij, kjo nuk ishte zgjidhja e duhur dhe vuri në dukje se ata djem nuk qëndruan më shumë se tre minuta aty.
Në fund, ai u bëri thirrje ndjekësve të tregohen të kujdesshëm me fjalët dhe të mos nxisin përçarje mes shqiptarëve nga të dy anët e kufirit.
