Që Roberti dhe Tuna nuk kanë pasur një raport miqësor dihet, pavarësisht se këngëtarja ka qenë e martuar me vëllain e tij, Patrisin dhe kanë së bashku dy fëmijë, Tian dhe Zen. Rishtazi, në një intervistë për “Klan Kosova”, Robert Berisha ka folur për herë të parë për hatërmbetjet e tij me Tunën dhe ka rrëfyer se arsyeja e marrëdhënies së tyre të trazuar ka qenë nëna e ndjerë e këngëtarit dhe moderatorit.
“Ndoshta me vëllain është më e lehtë të mërzitesh, por me prindin nuk mundesh. Patrisi mua më sheh si baba të dytë e s’e besoj që më është mërzitur ndonjëherë. Kur i kam folur për diçka, ai e ka ditur se është për të mirën e tij. Edhe në këtë rast, e ka ditur që unë e kam pikë të dobët mamin dhe se unë jam pika e dobët e saj. Aty ka ndodhur një mosmarrëveshje, siç janë nuset. Bëj ç’të duash me burrin tënd, në shtëpinë tënde, por në shtëpinë time, me nënën time, nuk e shoh fare se kush është, nusja e vëllait e kushdo. Aty ka qenë mosmarrëveshja dhe s’e kam parë se kush është”, tha Roberti.
Mandej, shtoi:
“Në raport me nënën time është sjellë keq (kur ajo ishte) me kancer. Me gjithë kimioterapitë që ka pasur, që të ma mërziste dikush, nuk ia vlente. U krye ajo punë. Ndodhi këto gjëra në çdo familje. Shumë thjesht, me një mesazh, mbaroi ai muhabet”, përfundoi ai.
Teuta, e ëma e Robertit dhe Patrisit ndërroi jetë në janar të vitit 2021. Përmes një postimi në Instagram, Roberti dha lajmin e trishtë dhe shkroi: “Pusho e qetë mami im. Për ty kam shkruar shumë, po e lë me kaq.” – shkroi ai.
“Mami im më e mira. Më ke këputur shpirtin. Të pushoftë shpirti i qetë.” – shkroi Patrisi në Facebook asokohe.
Një reagim bëri edhe Nora Istrefi, e cila asokohe i kishte dhënë fund martesës me Robertin: “Ke qenë gjithmonë shoqja ime. Të kam dashur dhe më ke dashur. Uroj me zemër që shpirti yt i bardhë dhe një grua me kaq shumë vlera të pushojë e qetë në paqe”, u shpreh këngëtarja.