E mbani mend kur shfaqej çdo pasdite në Ditarin e Zërit të Amerikës?
Gazetarja e njohur Mirela Milori, e cila tani punon në ABC news, e jeton ne Shqiperi, ka treguar me teper detaje nga jeta e saj private dhe jetesen ne Amerike kur punonte per VOA: Blerina Bombaj: Pse u ktheve nga Amerika në Shqipëri?

Unë kam që në 2013 që kam ardhur, që atëherë deri më tani të gjithë më bëjnë këtë pyetje.
E para, në Amerikë unë punova tek “Zëri i Amerikës”. Jeta ime në Amerikë ishte një jetë e mirë dhe Amerika të mëson që të jetosh me sportivitet.

Të kuptosh rrethanat ku je dhe të mendosh që ka një projekt më të mirë? Nuk ka rëndësi se ku është ky projekt. Është në Amerikë, në Azi, në Afrikë. Ti kap këtë projektin që mund të jetë më i mrië për ty. Në këtë moment mua ABC më ofroi që të vija sepse ishin zgjedhjet e 2013.

Ishte një ofertë e hapur, nuk është se unë erdha dhe mbeta pa punë, kërkova punë dhe… në këtë moment e mendova kështu ta vendos ekuilibrin e jetës sime.

Kisha disa vjet që jetoja vetëm me djalin tim sepse u ndava nga babai i djalit tim. T’i themi vetë në vetë të parë që të mos fillojnë këto turbulencat. Dhe kaq. U ktheva dhe vazhdoj me shumë normalitet të jetoj këtu, sepse kam një punë të mirë. Unë e di shumë mirë realitetin shqiptar…