Besart Kallaku dhe Xhensila Myrtezaj, me një pasuri me vlerë mbi 10 milionë euro dukshëm të pajustifikuar me të ardhura të ligjshme, po ndjekin strategjinë e Ilir Metës dhe Monika Kryemadhit për t’i shpëtuar veprimit të SPAK-ut.

Pas procedurave për divorc, Besi dhe Xhensila kanë nisur të thumbojnë njëri-tjetrin me tekste këngësh.

Në një kohë kur Ilir Meta distancoi partinë nga Monika, u largua nga shtëpia dhe akuzon Monikën se ka tërhequr vëmendjen e SPAK-ut me luks si dhe ka lënë prova rrugës, Besi akuzon indirekt Xhensilën si materialiste dhe intrigante.

Së fundmi Besi ka publikuar këngën e re me titull “Intrigante”, ku një sekuecë e tij thotë “Zemra do mi nisësh 1000 paund se e kam mamin sëmurë, e kam në spital”.

Kjo pjesë bëri të gjithë të rikujtojnë intervistën e Bes Kallakut, gjashtë vite më parë kur tregoi se ai është kujdesur për nënën e sëmurë të Xhensilës.

Nga ana tjetër, Xhensila Myrtezaj publikoi këngën e saj “Lotët” që u tha se ishte dedikim për fundin e martesës së saj më Bes Kallakun.

Edhe pse ndaj çifitit Besi-Xhensila ende nuk dihet nëse ka një hetim pasuror, dyshja duket se po vepron me shpejtësi dhe në koordinim me dyshen Meta-Kryemadhi.

Zbarkimi i BKH-së me urdhër të SPAK në shtëpinë e blogerit Olti Curri te Kodra e Diellit, shtëpi të cilën ia ka falur Monika, e bën më të afërt rrezikun për çiftin Besi-Xhensila, i njohur si lidhje e ngushtë e Ilir Metës dhe Monika Kryemadhit.

Disa juristë me të drejtë kanë konstatuar se një proces divorci nuk e mbulon dot origjinën e pasurisë, nuk e eviton dot një hetim pasuror dhe as rezultatet e një hetimi të mundshëm.

Por, frika nga SPAK po dikton zhvillime befasuese. Shumica personazheve pranë Ilir Metës, tek të cilët dyshohet se ka fshehur një pjesë të pasurisë, kanë nisur të divorcohen nga gratë.