Puna në kantierin e aksit Elbasan-Qafë Thanë po vijon. Kryeministri Edi Rama ka publikuar pamjet ku thotë se kanë përfunduar nënkalimet dhe janë realizuar 60% e veprave të artit.
Kreu i qeverisë bën me dije se rruga Elbasan – Qafë Thanë është pjesë e projektit të korridorit të 8-të që do të ndërtohet me 4 korsi dhe do të shkurtojë distancën mes Tiranës dhe jug-lindjes së Shqiperise.
“Me kantierin e aksit Elbasan-Qafë Thanë, faza e parë, ku kanë përfunduar nënkalimet e janë realizuar 60% e veprave të artit, e ku puna vijon intensivisht për një rrugë interurbane me katër korsi, si pjesë e korridorit të 8-të, tanimë i përfshirë në rrjetin europian të transportit”– shkruan Rama.
